E-Sondag
Die kompakte, noukeurige en stilisties-aantreklike stelwyse van Hebreërs is ’n aanduiding van gesofistikeerde en kunstige taalgebruik en maak die dokument se samestelling en styl ongeëwenaard in die Nuwe Testament; en – soos menige predikant sou ontdek het – is dit ook van die moeilikste Grieks in die Nuwe Testament. Eerder as ’n brief is die Hebreërs-boek eintlik ’n preek, of in selfverwysing, “’n woord van aansporing” (13:22), ryk in simboliek en met ’n duidelike gerigtheid: volharding in die geloof.