E-Sondag
Hierdie Sondag val die fokus op dié tekste waar God mense roep. In 1 Korintiërs 1 noem Paulus noem sy lesers geroepe heiliges wat geroep is tot verbondenheid met Jesus Christus. God se roeping van Jesaja, reeds in die moederskoot, word in Jesaja 49 beklemtoon. Saam met die roeping vertel Jesaja ook hoe God hom vir sy roeping toegerus het deur sy tong skerp te maak, hom te beskerm en te leer. Hierdie roeping kondig aan geregtigheid, die vrylating van gevangenes en lig vir dié wat in duisternis leef. Johannes 1 vertel hoe Jesus die eerste dissipels geroep het met die uitnodiging: “Kom kyk!” en Andreas besef dat Jesus die Messias is. Psalm 40 fokus op ons wat tot God roep om geregtigheid, terwyl God ons tot ’n lewe van geregtigheid roep.