Vier bedieningsbane. Een geloofsritme.

Ons bedieningsmodel help die gemeente om met duidelike verantwoordelikheid en goeie samewerking te funksioneer. Die vier bedieningsbane begin by die erediens, dra die gemeente deur die week in vorming, versorging en diens, en lei ons weer na die volgende erediens.  

Hoe ons saam dien 

Elke bedieningsbaan het ’n eie fokus, maar werk nooit los van die ander nie. Saam help hulle ons om rondom die Woord te leef, mense te versorg, die gemeenskap te dien en die gemeente verantwoordelik te ondersteun. 

Woord en erediens 

Hierdie bedieningsbaan dra die gemeente se aanbidding, verkondiging en geloofsvorming. Dit sluit eredienste, musiek, liturgie, tegniese ondersteuning, kategese en toerusting vanuit die Woord in. 
EREDIENS EN TOERUSTING

Gebed en pastoraat 

Hierdie bedieningsbaan help die gemeente om ’n biddende en versorgende geloofsgemeenskap te wees. Dit sluit gebedsbediening, pastorale begeleiding, besoeke, kleingroepe, seniors en ondersteuning in tye van nood en verlies in. 
GEBED EN ONDERSTEUNING

Getuienis en barmhartigheid 

Hierdie bedieningsbaan help ons om Christus se liefde sigbaar in die gemeente en gemeenskap uit te leef. Dit sluit uitreik, Maatskaplike Dienste, praktiese hulp en geleenthede vir lidmate om diensbaar te wees in. 
DIEN SAAM

Rentmeesterskap en steun 

Hierdie bedieningsbaan versorg die hulpbronne en ondersteuningsdienste wat die gemeente se bediening moontlik maak. Dit sluit finansies, offergawes, administrasie, fasiliteite, kommunikasie en verantwoordelike bestuur in. 
GEE EN ONDERSTEUN

Van erediens tot erediens  

Ons kom Sondag rondom die Woord bymekaar. Deur die week word ons gevorm, versorg en gestuur om te dien. Alles vloei weer saam wanneer ons die volgende Sondag as Christus se gemeente vergader.

Aanbid → Groei → Versorg → Dien → Kom weer saam
ONTDEK ONS WEEKLIKSE GELOOFSRITME