Stefni dien die gemeente met ’n besondere fokus op pastorale sorg, gebed en kleingroepbediening. Sy bied persoonlike begeleiding, doen huis- en siekebesoek, ondersteun mense in moeilike omstandighede en neem gereeld verantwoordelikheid vir prediking en erediensleiding. 

Vanwyk help om die gemeente se roeping prakties en geïntegreerd te laat funksioneer. Hy koördineer die gemeente se strategie, erediensbeplanning, personeel, kommunikasie, programme, eiendom en daaglikse bestuur, in noue samewerking met die kerkraad en bedieningsleiers.

Dorét ondersteun die gemeente se administrasie, lidmaatkommunikasie en daaglikse kantoorfunksionering. Sy help om navrae, reëlings, dokumentasie en praktiese gemeentebehoeftes met sorg en doeltreffendheid te hanteer. 

Grant en Zeldeen koördineer die gemeente se gasvryheidsbediening. Hulle verwelkom lidmate en besoekers, help nuwe mense om tuis te voel, sien om na die oop- en toesluit van die fasiliteite en dien as skakel met die Uniting Reformed Church.

Jane is die gemeente se musiekdirekteur. Sy kies en koördineer die musiek vir die Sondageredienste, berei die liedere se PowerPoint-aanbiedings voor en bestuur die musiekbedieningspan in samewerking met die betrokke diakens.