Welkom by Silvertonkruin
Silvertonkruin Gemeenskapskerk is ’n geloofsgemeenskap waar ons elke Sondag rondom God se Woord bymekaarkom, deur die week saam groei en ons geloof prakties in ons gemeenskap uitleef.
Beplan jou besoek
Ons wil hê jou eerste besoek moet maklik en ontspanne wees. Hier vind jy die belangrikste praktiese inligting oor ’n Sondagoggend by Silvertonkruin.
Wanneer en waar
Ons erediens begin elke Sondagoggend om 09:00. Silvertonkruin is maklik bereikbaar en daar is parkeerplek op die kerkterrein. Gebruik die roeteskakel om jou besoek te beplan.
Wat kan ek verwag?
Verwag ’n warm ontvangs en ’n Gereformeerde erediens waarin ons saam na God se Woord luister, bid en sing. Jy hoef nie vooraf te registreer of op ’n bepaalde manier aan te trek nie.
Kinders en gesinne
Kinders en jongmense is welkom. Tydens die erediens kom hulle in toepaslike ouderdoms- en graadgroepe bymekaar waar hulle saam leer en groei.
Laat weet ons jy kom
Jy hoef nie vooraf aan te meld om ’n erediens by te woon nie. Indien jy graag wil hê iemand moet jou verwelkom, ’n vraag beantwoord of jou help om jou weg te vind, stuur gerus jou besonderhede.